Informacione të përgjithshme rreth programit
Punësimi për punë studentore në Gjermani është ajo që Kontext e bën me sukses prej më shumë se 15 vitesh. Programi është pjesë e një shkëmbimi kulturor, pra studentëve u jepet mundësia që përmes punës studentore në Gjermani të njohin gjuhën, kulturën, zakonet gjermane dhe të fitojnë shprehi të punës. Për shumicën prej studentëve kjo është përvoja e parë e punës dhe paratë e para të fituara nga puna. Programi është i dedikuar për të gjithë studentët e moshës 18 deri në 35 vjeç, të cilët kanë njohuri bazë të gjuhës gjermane ose një nivel të gjuhës angleze dhe janë në gjendje të punojnë maksimumi 90 ditë, gjatë pushimeve zyrtare verore të përcaktuara nga fakulteti ku studiojnë. Për të filluar punën në Gjermani, është e nevojshme që vendbanimi dhe vendi i punës të caktohen dhe miratohen nga Zentrale Auslands und Fachvermittlung (ZAV).
Kontext përgatit dhe ndërmjetëson të gjithë dokumentacionin e nevojshëm për punën e studentëve FALAS! Jo, studentët nuk duhet të paguajnë për programin kur të përfundojë puna e studentit, as nuk u terhiqen rrogat gjatë kohës që janë atje. Kontext është një rekrutues zyrtar i McDonald's dhe partnerëve të tjerë dhe pikërisht kjo është arsyeja pse ndërmjetësimi është falas.
Vendet dhe pozicionet e punës
Pas aplikimit për punë studentore në Gjermani dhe plotësimit të të gjitha dokumenteve të nevojshme, vijon vendosja. Vendosja e vendeve të punës në Gjermani varet nga njohja e gjuhës gjermane, përvoja e mëparshme e punës, si dhe kërkesat e caktuara të vetë punëdhënësve. Ne ju informojmë për pozicionin dhe vendndodhjen e punës dhe ju duhet të vendosni sa më shpejt që të jetë e mundur nëse e pranoni ofertën e punës. Vendi i punës dhe vendndodhja do të zgjidhen me kujdes paraprakisht për ju, sipas kërkesave dhe kualifikimeve tuaja. Refuzimi i të njejtës do të thotë se po refuzoni një ofertë pune dhe do të merrni një ofertë të dytë kur të përcaktohen studentët e tjerë.
Pjesa më e madhe e pozicioneve të punës janë në fushën e gastronomisë dhe pastrimit si edhe dezinfektimit të objekteve. Studentet punojnë me sistem me rotacion dhe me 3 turne. Lokacionet tona janë të përhapura në të gjithë Gjermaninë, duke përfshirë qytetet më të mëdha që janë më tërheqëse për studentët tanë: Berlin, Munchen, Hamburg, Frankfurt, Koln, etj. Nëse do të shkoni për herë të parë në këtë program studentor, rekomandimi ynë është të zgjidhni një vend më të vogël, në mënyrë që të përshtateni më lehtë me mjedisin dhe stilin e ri të jetesës.
Paga
Nga 1 tetori, paga minimale në Gjermani është 12 euro/orë bruto. Varet nga pozicioni i punës, paga ndryshon nga 12.20 euro deri në 14 euro bruto për orë pune dhe punojnë minimumi 39.5 orë në javë/169 orë në muaj. Sigurisht, pavarësisht se çfarë bëjnë, studentët kanë të drejtë për një pushim minimal prej 30 minutash pa pagesë gjatë ditës. Studentët në Gjermani i nënshtrohen vetëm taksës personale, e cila është 12-14%, varësisht se sa orë shtesë, turne të natës ka punuar studenti.
Akomodimi
Ka punëdhënës që ofrojnë akomodim ose edhe ushqim dhe i ulin kostot nga paga. Më shpesh, akomodimet e tilla janë kolektive, ku disa studentë ndajnë një dhomë, tualet dhe kuzhinë. Nëse punëdhënësi nuk ofron strehim, edhe pse nuk është detyrim i Kontext, në të njëjtën kohë si studenti ashtu edhe Kontext kërkojnë akomodim.
Konkluzioni
Nëse jeni student dhe nuk jeni më shumë se 35 vjeç, keni njohuri bazë të gjuhes gjermane dhe gjuhës angleze, nuk keni plan se ku ta kaloni verën e ardhshme dhe dëshironi të bëni miq me studentë të tjerë, të takoni njerëz nga e gjithë bota, po ashtu të eksploroni vende të reja dhe vizitoni kryeqytetet evropiane dhe duke fituar një shumë të mirë parash, atëherë hapi i parë është të aplikoni për këtë program dhe të filloni të përgatisni dokumentat tuaja menjëherë!
- Aplikimet janë në vazhdim dhe mund të aplikoni në: Aplikim për punë studentore
Keni pyetje shtesë dhe nuk mund të vizitoni zyrat tona? Rezervoni një seancë informacioni në internet në: Calendly