Летото 2019та година беше едно многу поинакво од моите претходни лета. На иницијатива на моите другари заминав на work & travel во Германија и дефинитивно не се покајав. Работев во Mc Donalds Rade ресторанот, кој се наоѓа во околината на Хамбург. Бев сместен во местото Венершторф, или што би рекле сите наши во странство: " во центарот на Хамбург брат баш под прозор ми беше плоштадот". Местото беше мало и тивко селце, а на работа одев со велосипед, одлично кардио за мене секојдневно. Во слободно време одевме да шетаме во Хамбург кој е прекрасен град со уште подобар ноќен живот! Да си млад, а да не го искусиш ноќниот живот во Хамбург е исто како да си бил во Македонија, а да не си пробал ајвар. На работа секој ден ми беше забава, се чувствував како да сум во Скопје и сите вработени ми станаа како браќа и сестри. Секој ден си учев нова песна во кујната, а детскиот сон да ја имам на располагање цела кујна на Мекдоналдс ми стана реалност. Програмата на Контекст ви ја препорачувам искрено и од срце, а лето поминато во Македонија на кафиња е изгубено лето и без спомени.
