Летото 2019 беше едно од моите најубави лета до сега. Работев во ресторанот "Раде", на само 20 минути до градот Хамбург. Местата околу ресторанот не располагаа со многу атракции за посетување, но самата близина до Хамбург ме привлече да го одберам токму овој ресторан! А за Хамбург, немам зборови. Никогаш не се заситив од денските прошетки низ градот, а исто така го искусив најдобриот ноќен живот во Германија. Лесно се приспособив на новиот начин на живот и на работната атмосфера, а за тоа најзаслужни беа колегите со кои работев. Оваа програма би ја препорачал на сите што имаат желба за нови авантури, сакаат да истражуваат нови места, како и да научат германски.
